Vel heppnuð fræðsla um tölvuöryggi

Ég hata þegar að tölvudeildin gerir manni skylt að velja nýtt lykilorð á 30 daga fresti.

Til hvers?!?

Er maður ekki með sér lykilorð á excel-skjölum sem gætu talist leyndarmál? Hvað annað er svona hrikalega eftirsótt sem maður er með í tölvunni í vinnunni?

Ég hef aldrei getað skilið það.

---

Þess vegna hef ég trú á þessari aðferð sem fjallað er um í Morgunblaðinu í dag, og Ragnar Sigurðsson tölvuöryggissérfræðingur hefur þróað hjá fyrirtækinu AwareGo.



Smellið tvisvar til að fá fulla stærð.

---


Hér er svo hægt að horfa á 2 af myndböndunum frítt. Þetta nær því alveg að vera fyndið.





(Tilkynningaskyldan:  AwareGo er meðal skjólstæðinga Góðra samskipta)

"Go to Saffran NOW"

Hádegismaturinn hjá Góðum samskiptum kom frá Saffran í dag.

Hér má sjá annars vegar rétt dagsins; hvítlauksmarineraðan hlýra á bananalaufi, borinn fram með byggi, shiraz-salati og banana-chillisósu og hins vegar hinn víðfræga Saffran-kjúkling.

(Upplýsingaskyldan: Saffran er á meðal skjólstæðinga Góðra samskipta)

---

Það eru fleiri sem kunna að meta þennan frábæra veitingastað

Þetta birtist í blöðunum í dag og í gær:

Þessi grein birtist í síðasta mánuði. Varla hægt að fá betri umsögn:

Smellið þrisvar á myndina til að lesa.

 

Bakhópurinn bloggar

Jæja, góð vinnuvika að baki hjá Góðum samskiptum.

Unnum vel og slöppuðum líka af í sólinni inn á milli.

---

Um helgina er ég bæði að fara að taka þátt í steggjun og brúðkaupi. Þó ekki sama manns.

Fartölvan verður þó ekki langt undan því ég er á vakt í bakhópi ansi áhugaverðs leiðangurs um landið.



---

Það er semsagt verið að setja met.



Einar Vilhjálmsson spjótkastari og metangas-frömuður og Ómar Ragnarsson fyrrum rallkappi og umhverfisverndarsinni ætla að verða fyrstir til að aka hringinn á umhverfisvænu al-íslensku eldsneyti.

Það er á breyttum bensín pikköp sem þeir gera þetta, en það voru nemendur í Borgarholtsskóla sem sáu um breytinguna með hjálp góðra manna.



---

En semsagt, til að gera þetta enn skemmtilegra og vekja sem mesta athygli á þessum raunhæfa valkosti í umhverfisvænum samgöngum, þá höfum við sett upp sérstaka bloggsíðu um þessa svaðilför þeirra félaga.



Einar og Ómar munu gera netnotendum auðvelt að fylgjast með því hvernig ferðin gengur og því sem á daga þeirra drífur á leiðinni, því þeir eru með sítengingu um borð í bílnum auk ýmis annars búnaðar.

Ég og aðrir munum svo aðstoða þá eftir megni í sérstökum bakhóp.

---

Þeir sem vilja fylgjast með þessu ættu að kíkja á bloggið hér á mbl.is.

---

Svo er það skemmtileg nýjung í svona leiðangri, að hægt er að fylgjast með för metanbílsins í rauntíma með hjálp GPS-tækninnar.

Skoðið það hér.

---

Þarna sést m.a.s. hversu hratt þeir aka metanbílnum eftir þjóðveginum á hverjum tíma.

Þannig að ekki láta Blöndóuslögguna vita af síðunni fyrr en þeir eru komnir framhjá

 

 

Ísplögg á Twitter

Í dag notaði ég Twitter í fyrsta sinn í hreinræktaða markaðssetningu fyrir einn af viðskiptavinum Góðra samskipta.

Vini okkar hjá Kjörís í Hveragerði (sem eiga 40 ára afmæli í ár).

Reyndar var þetta alveg óundirbúið.

---

Sjá má samtalið hér fyrir neðan, sem byrjaði með því að social-media sérfræðingurinn Egill Harðar lýsti skyndilegri löngun sinni í ís.

Ég er með á sjöunda hundruð manns sem lesa Twitter-strauminn minn, þannig að þetta er ansi góð bein auglýsing.

 

Skemmtilegur dagur

Það er nóg að gera hjá Góðum samskiptum þessa dagana. Mjög fjölbreytt verkefni sem við erum að fást við.

---

Eitt mjög skemmtilegt verkefni, sem tengist umhverfisvernd, er í uppsiglingu um helgina.

Það gerir það enn skemmtilegra að við erum að vinna það með meistara Ómari Ragnarssyni.

Ég tók einmitt þessa mynd af Ómari í dag, þar sem hann er að tala niður (bókstaflega) til Gunnars Andréssonar ljósmyndara.

Enn um Ryanair

Skeyti barst frá einum lesanda þessa bloggs í kjölfar umræðunnar um kosti og galla Ryanair flugfélagsins og forstjóra þess.

Vona að honum sé sama þó ég birti það hér.

---

Sæll Andrés,

Mér sýnist þú ekki hafa tekið áskorun minni, varðandi fyrstu frásögn úr bókinni Ryanair: The Full Story of the Controversial Low-cost Airline, þar sem sögð  var saga af framkvæmdastjóra flugfélagsins.

Þess vegna, til gamans, ætla ég að segja þér hana. Ástæðan er að flest allar athugasemdirnar í bloggi þínu, varðandi lággjaldaflugfélög, eru neikvæð, og fjalla um lélega þjónustu.

Frásögnin er eftirfarandi, sögð eftir minni. Inntakið ætti að vera það sama, eftir sem áður.

Fullorðinn karlmaður lenti í því að flugi hans seinkaði þar sem hann var staddur á flugvelli í Bretlandi. Þreyttur og pirraður sá hann fyrir náunga, sem hann kannaðist við, úr sjónvarpi og útvarpi. Þetta var framkvæmdastjóri flugfélagsins, Michael O‘Leary.

Fullorðni maðurinn gengur að framkvæmdastjóranum og spyr hvort hann sé ekki framkvæmdastjóri, þessa flugfélags, sem enn á ný er með seinkun á flugi, með tilheyrandi vandamálum. Einnig hvort framkvæmdastjórinn ætli að greiða tengiflugið sem hann var búinn að missa af.

O´leary játti því, að hann væri framkvæmdastjórinn og spurði hvert væri vandamálið. Jú, það var vegna kostnaðar og óþæginda við seinkun á fluginu, svaraði sá gamli.

Framkvæmdastjórinn spurði þann gamla hvert hann væri að fara og hve oft hann færi þessar ferðir. Gamli svaraði, samviskusamlega, að hann færi til barna og barnabarna, annan hvern mánuð, undanfarið.

Framkvæmdastjórinn, O´leary, horfði á gamla manninn og spurði hann að því hve oft hann hefði farið í þessar ferðir áður en Ryanair hefði komið til.

Svarið var einfalt, mesta lagi einu sinni á ári.

O´leary spurði gamla manninn þá að því í lokin, hvort hann væri virkilega að kvarta yfir því, að það væri einhver klukkustundaseinkun á flugi, þegar Ryanair hefði hjálpað honum að sjá fjölskyldu sína annan hvern mánuð, í stað einu sinni á ári.

O´leary, og flugfélagið, Ryanair, hefði aldrei, aldrei,  lofað neinu öðru en því, að bjóða lægsta verðið á markaðnum. Hann hefði aldrei lofað að vera á réttum tíma, góðri þjónustu né þægilegum sætum. Aðeins ódýrasta fargjaldinu, sem völ er á.

Getur þetta verið eitthvað skýrara ?

Galdurinn á bakvið lággjaldaflugfélög

Það voru ekki alveg allir sammála yfirlýsingum mínum um snilli Ryanair-forstjórans í færslunni hér að neðan.

En mér þótti þó skemmtilegt að sjá fréttina um stæðin í vélum félagsins á forsíðu Morgunblaðsins daginn eftir að bloggið birtist.

---

En fyrir þá sem hafa áhuga á því hvernig lággjaldaflugfélög græða peninga, þá er þessi mynd hér nokkuð góð.



(Smellið þrisvar sinnum á myndina til að sjá hana í fullri stærð)

Ótrúlegt að sjá t.d. muninn á fjölda farþega á hvern starfsmann hjá Ryanair annars vegar og British Airways hins vegar.

 

Vel heppnaður vefborði

Fræðin á bakvið hönnun vefauglýsinga er enn að slíta barnskónum.

Sumir vefborðar blandast við efni vefsíðnanna sem þeir eru birtir á, þannig að augað grípur þá ekki þegar það skannar síðuna. Á meðan aðrir eru þannig að maður getur varla annað en tekið eftir þeim.

Ég rak augun í þennan borða fyrir Bic-rakvélar á Vísi.is áðan.

Þetta er mjög vel heppnaður borði finnst mér. Stórt letur, lítill texti og myndirnar af vörunni fá að njóta sín í miðjunni.

En hann hefði líklega ekki virkað jafn vel ef hann hefði verið birtur sem hliðarborði á síðunni, þannig að það er að mörgu að hyggja í þessu.

---

Ferðaskrifstofan Sumarferðir eru með vefborða í gangi á mbl.is þar sem tónlist fer í gang ef maður villist með músarbendilinn yfir borðann.

Ég er á báðum áttum með þann borða. En ef ég væri að spá í að skella mér á sólarströnd þá gæti þetta vel verið þörf áminning.

En þetta er svolítið illyrmilegur og óvæntur hávaði og kannski ekki jákvæð snerting við viðskiptavini.

Væri forvitnilegt að vita hvort margir hafi smellt á þennan borða.

Skemmtileg umhverfisauglýsing

Ég fór á feikilega skemmtilegt "Tweetup" í gær í Hugmyndahúsinu vestur á Granda.

Meira um það síðar.

---

En eitt sem vakti athygli mína í Hugmyndahúsinu var þessi merking í loftinu.



Ef þið horfið á myndbandið, þá sjáið þið betur hvað er svona skemmtilegt við hana.



---

Síðan minni ég á að það er enn hægt að skrá sig á fyrirlesturinn minn í HÍ í dag sem heitir “Komdu þér á framfæri  - ekki lesa atvinnuauglýsingar“.

Við verðum í stofu O-106 í Odda á milli kl.16 og 18. Kostar 2.500 kr. inn.

Engin verkefni, ekkert vesen.

Bara ég að tjá mig um persónuleg kynningarmál, tengslamyndun og bakhliðina á ráðningarferli atvinnulífsins.

 

PR-snillingur í flugbransanum

Michael O‘Leary, forstjóri írska lággjaldaflugfélagsins Ryanair, er mikill PR-snillingur.

Ég hef fylgst með honum af aðdáun í nokkur ár og get fullyrt að það eru fáir sem komast með tærnar þar sem hann er með hælana í því að fá ókeypis umfjöllun.

---

Þessi frétt hér er gott dæmi.

Þarna pikkar O‘Leary upp frétt sem kom frá Kína og er nær samdægurs búinn að senda fyrirspurn á Boeing um hvort Ryanair geti boðið upp á stæði í flugvélum.



Kannski veit hann að þetta verður aldrei leyft. Að minnsta kosti ekki í Evrópu fyrr en eftir nokkur ár.

---

En það skiptir ekki máli.

Því c.a. 5 sekúndum eftir að hann sendi tölvupóstinn til Boeing, giska ég að hafi farið út fréttatilkynning á alla helstu fjölmiðla og fréttaveitur í heimi.

Fréttin er skemmtileg og birtist víða og það sem eftir situr hjá lesendum er ítrekun á því fyrir hvað vörumerki O´Learys stendur fyrir.

En það er að Ryanair séu ávallt að leita nýrra leiða til að skera niður kostnað og verði þess vegna alltaf ódýrastir.

Ekki ónýtt að hafa þennan sess í hugum fólks sem er að leita að ódýrum fargjöldum.



Það er nóg að flugfélagið segist ætla að kanna þennan möguleika, til að fá í staðinn auglýsingu á sér og sérstöðu sinni að verðmæti tuga, ef ekki hundruða milljóna króna.

---

Íslenskir forstjórar sem vilja feta í fótspor O´Learys verða að temja sér sömu hugmyndaauðgi en ekki síður kjark.

Skortur á hinu síðastnefnda er nefnilega það sem drepur flestar góðar PR-hugmyndir.