"Skotinn ítrekað í handlegginn"

Vaktstjóri á Wendy's veitingastað á Miami var skotinn ítrekað í handlegginn eftir að hann neitaði að gefa viðskiptavini aukaskammt af chili-sósu.

Ég staldraði við þetta hér: "var skotinn ítrekað í handlegginn". Það hlýtur að hafa verið frekar vont og var árásarmaðurinn svona góð skytta eða var málið kannski að hann var svona hrikalega vond skytta!? Afhverju bara í handlegginn? 

Fréttina í heild má lesa á Vísi.is.

Athugasemdir

[Bjarni Már Magnússon, 31.5.2007 kl. 06:26]

Það er svo oft léleg þjónusta í þessum lúgum hérna í Miami að menn geta ekki annað en snappað.

Annars voru um 800 hundruð manns handteknir á Miami Beach um helgina auk þess sem lagt var hald á 60 skotvopn. Algjört Miami Vice. 

[Andrés Jónsson, 31.5.2007 kl. 14:05]

Já. Ég vona að þú lendir ekki í skotsárum á handlegg eða í gininu á krókódíl þarna niður frá Bjarni! Annars var ég að horfa á heimildarmynd í fyrradag sem heitir "Cocain Cowboys" og þeir vildu meina, fyrrum kókaínsmyglararnir og viðskiptafélagar Pablo Escobar að Miami Vice hefði verið barnaleikur í samanburði við raunveruleikann þarna á áttunda og níunda áratugnum. Merkilegast fannst mér samt að heyra um Svörtu Ekkjuna - það hefði verið dálagleg tengdamamma!

[Bjarni Már Magnússon, 31.5.2007 kl. 17:54]

Þetta var víst rosalegt ástand á þessum árum. Harðvítugir skotbardagar glæpagengja fóru fram ekki langt frá þar sem ég er búsettur.

Þrátt fyrir að mesta magn eiturlyfja sé enn flutt inn í gegnum S-Florida til USA er ástandið víst talsvert skárra en það var.

[erlahlyns.blogspot.com, 12.6.2007 kl. 23:39]

Í lok fréttarinnar er einnig athyglisverður punktur sem hefði mátt gera meira úr:

Viðskiptavinurinn flúði hinsvegar af vettvangi með kvenkyns farþega...