Grein Bjarna

Bjarni Ármannsson er, þrátt fyrir augljós mistök í bankabrallinu, ákaflega slyngur maður.

Hann markaðsetti eigin ímynd með mjög góðum árangri lengst af.



Gekk svo langt að einhverjir voru í fullri alvöru farnir að orða hann við Bessastaði.

-----

Grein hans í Fréttablaðinu í dag er dæmi um góða tilfinningu hans fyrir almenningsálitinu.

Vissulega er þetta ekki nóg til þess að öll þjóðin fyrirgefi honum á einu bretti, en með því að vera fyrstur útrásarvíkinga til þess að óska eftir syndaaflausn - þá ávinnur hann sér dýrmæta inneign inn í framtíðina.

-----

Ekki það að hann geti ekki verið fullkomlega einlægur í þessu um leið. Ég trúi vel að hann geti verið búinn að átta sig á villu síns vegar.

En það er skynsamlegt hjá honum að skýra frá þeirri niðurstöðu opinberlega.

Ímynd íslenskra athafnamanna hefur rýrnað jafnvel hraðar en bankainnistæður þeirra og það eiga margir þeirra erfitt með að horfast í augu við.

Skrifa bitrar greinar, frekar en einlægar.

-----

Annar maður, sem hefur náð að viðhalda orðspori sínu í þokkalegu standi í gegnum þetta allt, er Þorsteinn Már Baldvinsson.

Að hann skuli hafa gefið 50 milljónir til ýmissa góðgerðaeverkefna á Norðurlandi, á sama tíma og hann hefur að öllum líkindum verið að tapa stórum hluta eigna sinna, er aðdáunarvert.

Greyið Björgólfur eldri, sem þó hefur verið afar gjafmildur í gegnum tíðina, varð að draga gjöf til sjónvarpsframleiðslu tilbaka. Svo blankur virðist hann vera orðinn.

-----

En það sem svíður og það sem mun væntanlega ganga endanlega frá orðspori margra hinna svokölluðu útrásarvíkinga; er það ef þeir verða uppvísir af því að koma undan stórum upphæðum, meðan að víxlar þeirra falla á almenning.

Það mun þurfa meira til en falleg bréf og einlæg einkaviðtöl til að lækna slík sár.

Efst á óskalistanum

Mig langar svo óskaplega mikið í þessa fallegu safír-bláu Netbook-fartölvu frá Acer.
Þessar litlu nettölvur voru meðal vinsælustu raftækjanna á Amazon þessi jól og ég er ekki hissa.

Kosta innan við $500. Spurning að maður byrji að safna sér fyrir einni.

-----

Ég hef lengi verið skeptískur á raunverulega gagnsemi 3G síma.

Sérstaklega á Íslandi, þar sem notkunin verður alltaf takmarkaðari heldur en í stórborgum erlendis.

Þess vegna hef ég þráast við að fá mér margmiðlunar-síma og verið að bíða eftir því að það kæmi á markað almennileg míkró-fartölva, sem kosti nógu lítið til að réttlæta kaup á henni, þrátt fyrir annmarka í samanburði við fullvaxnar fartölvur.

Og nú virðist það loksins vera að gerast.

-----

Annars er það mín trú, að þær einkatölvur sem í framtíðinni verði vinsælastar, verði svipað stórar og tímarit eru í dag. Og álíka þykkar.

Síðan held ég að öll framhliðin á þeim verði snertiskjár eins og iPhone.

Og að maður muni taka hana með sér hvert sem maður fer og tengja svo við stærri skjái heima hjá sér og í vinnunni og jafnvel víðar.

Góð málefni

Fyrirtæki landsins voru dugleg að gera góðverk í desember.

Ég sá að tvö ráðuneyti slepptu því að senda jólakort og gáfu peningana (kvartmilljón) í staðinn til góðra málefna. Gott mál.

Á móti gat maður ekki varist þeirri hugsun, að hin ráðuneytin skuli þá hafa varið á þriðju milljón í jólakortasendingar.

Spurning með slík útgjöld á þessum síðustu og verstu.

-----

Ég kom að tveimur jákvæðum gjöfum í minni vinnu.

Minnsta samheitalyfjafyrirtæki landsins, Portfarma, gaf rausnarlegt framlag í barnaspítalasjóð Hringsins. Hálfa milljón.

Og Iceland Express stofnaði styrktarsjóð í samvinnu við Rauða Kross Íslands, sem styrkja mun ferðalög fólks með geðraskanir.

Fyrsta ferðin, fótboltaferð til Englands, verður farin síðar í þessum mánuði.

-----

Hér eru forsvarsmenn Portfarma í andyri barnaspítalans við Hringbraut.

 

Hér eru Birna og Matthías frá Iceland Express með forsvarsmönnum RKÍ í athvarfinu VIN við Hverfisgötu.

Heimilisleg heimasíða

Ég datt inn á vefsíðu lögmannsstofunnar Réttur.

Gaman að sjá að þau þora að vera öðruvísi.

Fyrirfram hefði maður talið að lögmenn væru íhaldssamari en aðrir, þegar kemur að svona.

Skemmtileg umhverfisauglýsing

Diddy hringir í Björk

Það er margt steikt sem maður sem rekst á, á netinu.

 

 

 

 

 

 

 

 

Nær Björk samt nokkuð vel.

Þessi auglýsing fer í óskaplega í taugarnar á mér

Hvaða skilaboð eru þetta "Mamma, ætlaði að strauja skyrtuna mína"?

Hver trúir því að það séu "greind" ensím í þessu dufti?

Og hvað er málið með klippinguna á drengnum? Hefði hann ekki frekar átt að strauja skyrtuna sína bara sjálfur og biðja mömmu sína að klippa sig?

Keyptu Stork á yfirverði á versta tíma

"Eyrir Invest óskaddað af bankahruninu" er aðalfyrirsögnin á viðskiptasíðu Fréttablaðsins.

Það má heita gott hjá þeim að fá þessa fyrirsögn. Samt kemur fram að þeir þurfa að kaupa Landsbankann út úr dílnum og yfirtakan á Stork tók mikinn tíma og þurfti á endanum að greiða hátt verð fyrir fyrirtækið.

 

 

 

 

 

 

Eyrir sér væntanlega ýmis tækifæri í Stork og samþættingu þess við Marel. Stóra fréttin er hins vegar sú að þessir menn fóru í stærstu yfirtöku í Hollandi þess árs í Hollandi, rétt áður en eignaverð í heiminum hrundi margfalt.

Það er ekkert "óskaddað" í því.

---

Í nafnlausum dálki Markaðarins, Peningaskápnum, er síðan skotið létt á sjónvarpsmanninn Egil Helgason, en Egill og Björn Ingi Hrafnsson, viðskiptaritstjóri Fréttablaðsins, hafa eldað grátt silfur saman undanfarið.

Sú var tíð að Björn Ingi var fastagestur í þætti Egils. Það er liðin tíð.

Klassísk auglýsingabrella

Þetta er auglýsing sem birtist í DV fyrir skömmu og er frá Stólpa - viðskiptalausnum.

Nettur aulahúmor, en mér finnst svona samt alltaf frekar fyndið.

Maður veit þá allavega að þetta eru húmoristar sem vinna þarna og að þeir séu hugmyndaríkir.

 

Ljótubindakeppni á skrifstofu Iceland Express