Vel heppnaðar sjónvarpsauglýsingar

Nýjar sjónvarpsauglýsingar lambakjötsframleiðanda eru ákaflega vel heppnaðar.

Þá meina ég "vel heppnaðar" í þeim skilningi að þær eru líklegar til að auka neyslu á lambakjöti (eða að minnsta kosti draga úr sölusamdrætti vegna kreppunnar).

Oft hafa auglýsingar frá samtökum hinna ýmsu framleiðenda landbúnaðarvara verið sýnidæmi um frumlegheit auglýsingafólks, en ekki endilega náð að koma við bragðlauka áhorfenda.

---

Nýjasta auglýsingin sýnir Gunnar Hansson leikara (sem búið var að stimpla inn sem andlit lambakjötsins) elda spennandi lambakjötsrétt á skömmum tíma. Einhverskonar lambafilebitar vafnir inn í pönnuköku úr ferskum kartöfluspænum.

Auglýsingin er sett upp eins og stytt útgáfa af kennslu sjónvarpskokks og virkar þannig til að ná athygli áhorfenda með réttu skilaboðunum.

Hún er öðruvísi en auglýsingarnar sem birtast fyrir og eftir að því leyti að hún er eiginlega ekki auglýsing, heldur þá er maður að læra eitthvað.

Um leið og áhorfandinn fær þannig eitthvað fyrir sinn snúð þá er lambakjöti komið inn í kollinn á honum sem sniðugt hráefni til að prófa sig áfram með í eldhúsinu.

---

Hægt er að horfa á lengri útgáfu af matreiðslukennslunni á vef lambakjötsframleiðenda.

Reyndar hefði ég persónulega mælt með því að þeir settu uppskriftirnar á Youtube svo fólk eigi hægara með að deila þeim með öðrum.

En þessi markaðssetning fær samt í heildina toppeinkunn.

Athugasemdir

[Surfer (IP-tala skráð) 19.12.2009 kl. 21:32]

Velheppnaðar, já, miðað við þessar forsendur, sem þú ert með. Hinsvegar frá sjónarhóli hollustu, væri réttast að hindra sem mest að fólk neyti lambakjöts. Fituhlutfall íslenska vegalambsins er ótrúlega hátt, miklu hærra en flestra annarra kjöttegundar. Aukinheldur er fitan afskaplega hörð og beinlínis skaðleg fólki með áhættu gagnvart kólesteróli.

[Freyr Hólm Ketilsson, 21.12.2009 kl. 11:46]

Sýnikennslan var til þess að ég prófaði að elda þetta.

Mjög góður réttur og synikennslan góð nálgun að mínu mati.