Wipeout - Skjár Einn

Fórum í hópferð einn morguninn í vikunni að sjá fyrsta Wipe-out þáttinn þegar að hann var sýndur markaðsfólki í Smárabíó.

Það er enginn vafi á að þetta á eftir að verða mjög vinsælt sjónvarpsefni. Engin tilviljun að þetta skuli vera kóperað út um allan heim.

Formúlan er skotheld. Fólk að detta á rassinn.



Reyndar er Wipe-out byggður á blöndu úr ýmsum trylltum japönskum skemmtiþáttum. Og það er búið að taka "detta-á-rassinn" konseptið og víkka það hressilega út.

Formúlur eins og þessar virka bara betur ef eitthvað er í fámennu samfélagi eins og Íslandi þar sem allir þekkja alla.

Og það er nóg af augnablikum í Wipe-out þar sem hía má á landa sína.

Ég veit reyndar ekki hvort ég muni sjá fleiri þætti. Er ekki áskrifandi að Stöð 2.

P.s. Rikka stendur sig nokkuð vel sem spyrill.

---

Capacent er búið að kanna áhorf á sjónvarpsstöðvarnar og eins og við var búast þá minnkar áhorfið á Skjá einn mikið. Sjá nánar hér.

Mér skilst reyndar að þeir hafi líka lækkað auglýsingaverðið þannig að snertiverð auglýsinga sé enn nokkuð gott. Sérstaklega í kringum vinsæla þætti.

En samt. Á 20.000 áskrifenda læst sjónvarpsstöð framtíð sem auglýsingamiðill?

Vona að þetta gangi hjá þeim.

Skjár einn á sér nokkuð merkilega sögu. Leiðinlegt ef stöðin lognast út af.

Athugasemdir

[Páll sig (IP-tala skráð) 11.12.2009 kl. 12:43]

Merkilegt hvað maður saknar skjás 1 lítið og jafnmerkilegt að þessi ómerkilegi þáttur Wipeout sé vinsæll. Ótrúlega ófyndið.

http://wp.me/pGk8P-3c

[Sigurjón Pálsson (IP-tala skráð) 11.12.2009 kl. 21:07]

Skráði mig til að fá áskrift en aldrei var hringt. Á meðan rann upp fyrir mér að ég saknaði einskis svo ég ákvða að sleppa þessu bara og er alsæll með það :-)