Ekki hægt að fá sér ís í Eden lengur?

Nýr rekstraraðili Eden í Hveragerði hefur skipt um nafn á staðnum.

Nú heita það Iðavellir og auglýsingar sem hann hefur birt minnast aðeins á Iðavelli.

Þetta er afar skrýtin ákvörðun að taka eitt þekktasta vörumerki landsins og breyta því.

Jafnvel þó að þú sért að opna víkingasafn inn í einu rýminu á Eden og viljir skíra það konsept Iðavelli, þá er óþarfi að kasta verðmæti vörumerkisins Eden sem byggst hefur upp á mörgum áratugum og kasta því á glæ.

Athugasemdir

[Stebbi Gunn (IP-tala skráð) 2.9.2009 kl. 14:57]

Auðvitað væri comebackið að fá apana aftur og blása í herlúðra !

[Guðmundur Gunnarsson, 2.9.2009 kl. 15:48]

Það er skynsamleg skýring til á þessu uppátæki. Það ku vera Félag ásatrúarmanna sem á núna og rekur staðinn. Ég held það ´se alveg meiningarlaust að vera að agnúast út í þá fyrir að gefa lítið fyrir hinn biblíulega aldingar Eden.

[Hannes Þórisson (IP-tala skráð) 2.9.2009 kl. 15:51]

Spurning hve gott vörumerkið var orðið? Í mínum huga stóð það fyrir niðurkomna okurbæullu sem lifði æa löngum horfnum glæsitíma. Sæiðast þegar ég stoppaði þar fyrir svona 10-12 árum var staðurinn skítugur, illa lyktandi og hamborgarar 2 sinnum dýrari en annarstaðar. Ég gekk út og hef ekki komið þar síðan, spurning hvort maður kíki aftur og sjái hvernig rekstur er þar núna.

En spurning að tala um Iðuvelli í Edenhúsinu?

[Hannes Þórisson (IP-tala skráð) 2.9.2009 kl. 15:52]

Bleh er með netbook og einhendur, þannig að æ slæjist inn í stað ´ :(

[(IP-tala skráð) 2.9.2009 kl. 16:00]

Ég hefði bara viljað fá gamla góða Eden aftur, með ilmandi blómum, ís, apa og hvaðeina, en eins og staðurinn var orðin er þetta trúlega til góða. Eden var orðin svo subbulegur staður að maður hefði ekki einu sinni geð á að fara á klósettið.

Kom því við á Iðavöllum hér um dagin en  varð fyrir gríðarlegum vonbrigðum, enn allt frekar skítugt,  en við ákváðum að fá okkur ís, ( þá var enn ís) en honum var fleygt í ruslið því brauðið angaði af myglulykt, svo ekki sé talað um okrið. Höfum ekki áhuga á að fara þangað aftur. Og það þykir mér leitt.

[Viktor Blöndal (IP-tala skráð) 2.9.2009 kl. 16:04]

Ég tek undir það sem Hannes Þórisson var að segja.

Þegar ég hugsa um Eden, koma nú upp góðar minningar frá því í gamla daga, en þrátt fyrir það hugsa ég um Eden sem gamalt og skítugt hús með talandi apa í.

[Soffía valdimarsdóttir (IP-tala skráð) 2.9.2009 kl. 16:06]

Um hvaða apa eruð þið að tala?

Ég hef búið í Hveragerði í 41 ár og vann um skeið í Eden. Þar voru aldrei neinir apar. Um stutt skeið var lifandi api í Michelsen og eins var lifandi kráka í Eden. Hún hét Margrét og gat sagt u.þ.b. 10 orð ef henni þóknaðist það. Ef þið eruð að tala um peningaknúða rafmagnsapann í búrinu sem sagði brandara þá bara skil ég ekki hvers þið saknið!

[Stefán Pálsson (IP-tala skráð) 2.9.2009 kl. 16:10]

Nýja starfsemin er ekki víkingasýning heldur norræn goðafræðisýning.

Hugmyndin um að hafa goðafræðisýningu í húsi sem heitir Eden væri augljóslega galin. Það hljóta allir að sjá.

[(IP-tala skráð) 2.9.2009 kl. 18:07]

Ég hélt þú værir yngri Soffía ,  en mínar minnigar úr Eden eru frá árunum 1965-1970 en hvort lifandi apinn var í Eden eða öðru húsi man ég ekki, mér var bara sagt að við færum í Eden þegar sunnudagsrúnturinn var á dagskrá úr borginni en vel má vera að viðkomustaðir hafi verið tveir

[Steinarr Kr. , 2.9.2009 kl. 18:09]

Nei Stefán, það væri bara fyndið að sjá goðafræðisýningu í Eden, enda tengjast öll þessi trúarbrögð.

 Er búinn að prófa þessa búllu og get ekki sagt að hún hafi batnað frá því sem Eden var orðið.

[Guðmundur Benediktsson, 2.9.2009 kl. 23:58]

Það voru apar í búri hjá Michelsen en aldrei í Eden. Þetta er vitleysa sem Baggalútur kom í kollinn á fólki með plötutitlinum "Aparnir í Eden".

Hannes Þórisson kemst vel að orði hér að ofan um ástandið eins og það var orðið í Eden.

[Jens Guð, 3.9.2009 kl. 01:30]

  Ég vil leiðrétta athugasemd #2 að Ásatrúarfélagið kemur hvergi að rekstri Iðuvalla.  Hinsvegar fagna ég því að nýir rekstraraðilar hafi tekið við þar sem áður var Eden.  Ég veit ekkert hvernig til hefur tekist með að hressa upp á staðinn.  Í mínum huga var Eden sóðaleg okurbúlla.  Ég dreg í efa að viðskiptavild nafnsins Eden hafi verið túkalls virði.  Held að óreyndu að viðskiptavildin hafi verið frekar neikvæð.

[Grefillinn Sjálfur - Koma svo! (IP-tala skráð) 3.9.2009 kl. 09:37]

Ég hefði getað svarið að það voru apar í Eden þegar ég kom þangað fimm eða sex ára. En eins og leiðrétt hefur verið hér að ofan þá hef ég séð þá (eða hann) í Michelsen en ekki Eden.

Sammála ofanrituðum, okrið og subbuskapurinn í Eden gekk fram af mér fyrir mörgum árum og ég hef ekki komið þangað síðan.

Vonandi ná nýir rekstraraðilar að hífa staðinn upp.

[Brjánn Guðjónsson, 3.9.2009 kl. 09:55]

voru ekki apar í Blómaval, í gamla daga?

[Kjartan Vídó, 3.9.2009 kl. 09:55]

Andrés maður skýrir ekki hús þeim er gefið nafn.

[gylfi (IP-tala skráð) 3.9.2009 kl. 13:07]

Til þess að fjalla aftur um greinina sjálfa, þá er gott að hugsa til þess að vitund er ekki það sama og ímynd.

"Allir" vissu af Eden, eins og Andrés segir, sem er vitund en "öllum" finnst það hafa verið subbulegt, sem er þá ímyndin.

Vitund getur seint verið dýrmæt þegar ímyndin er slæm. Hvort er þá betra að byggja upp nýtt eða reyna breyta gömlu og slæmu ?

[Eyvindur (IP-tala skráð) 3.9.2009 kl. 14:05]

Ég stoppaði þarna á leið minni austur um daginn. Keypti ís sem var heldur ódýr (helgartilboð) og svala og ekki var það neitt sérstaklega dýrt.

Það er greinilega búið að breyta þó nokkuð þarna og væri gaman að kíkja á þessa sýningu hjá þeim hefði maður tíma til.

Get ég ekki sagt að það hafi verið eitthvað óhreinna en venjulega þarna, ef eitthvað þá var hreinna þarna en þegar Eden var að dala

Eden var fræg fyrir apana og spilakassana í hugum barnana. Ekki tóku þau mikið eftir subbulegheitum. Eden var líka þekkt fyrir fáa apa og bilaða spilakassa. Spurning hvort það hafi í raun verið það gott vörumerki? Allir þekkja það, jú, en af góðu?

 Jú, Blómaval var einmitt líka með apa í gamla daga, Brjánn. Afskaplega finnst mér það leitt að svo skuli ekki vera lengur.

[Haraldur Aðalbjörn Haraldsson (IP-tala skráð) 10.9.2009 kl. 20:59]

Fyrirbærið Eden var orðið ansi þreytt og úr sér gengið. Eftir að apinn fór þaðan um árið þá fannst mér staðurinn aldrei ná sínum sess aftur. Þó að vísu margir apar hafi verið þar síðan þá komust þeir ekki í hálfkvist við þann sem var þar fyrst. Að öllu gamni slepptu þá hugsa ég að staðurinn hafi verið farin á hausinn. Það að Ásatrúarmenn skuli vera komnir þarna aftur er frábært og tími kominn að sú gamla trú fangi athygli landsmanna að nýju.