Vel heppnuð auglýsing

Ölgerðin Egill Skallagrímsson hefur nýlokið við byggingu á risastóru vöruhúsi við hliðina á gömlu höfuðstöðvunum við Vesturlandsveg.

Þetta er stórt bárujárnsklætt ferlíki og kannski ekki svo margt sem hægt er að gera fyrir ytra útlit þess.

En lausnin sem Ölgerðarmenn komu sér niður á er nokkuð góð.



Um er að ræða risavaxna umhverfisauglýsingu fyrir Egils Gull (léttöl væntanlega) og um leið nokkuð smellna lausn á frekar óspennandi ytra byrði nýja vöruhússins.

Það er sjaldgæft að sjá jafn vel heppnaðar umhverfismerkingar á Íslandi.

Helst væri þá að nefna einmitt flöskurnar á gamla húsinu hjá Ölgerðinni.

Athugasemdir

[Rósa (IP-tala skráð) 30.6.2009 kl. 14:05]

Keyrði einmitt fram hjá henni í gær. Virkar mjög flott!

[Erla Margrét Gunnarsdóttir, 30.6.2009 kl. 14:15]

Hjartanlega sammála þér Andrés. Mjög flott auglýsing og kemur virkilega vel út.

[Magnús Þór Friðriksson, 1.7.2009 kl. 08:44]

Sammála þarna! Forljótt ferlíki frískað upp með smellinni auglýsingu. Tek undir með þér að flöskurnar og dósirnar á gömlu byggingunni eru líklega langbestu umhverfisauglýsingar sem nokkru sinni hafa sést á Íslandi... og þótt víðar væri leitað.

[Karl (IP-tala skráð) 2.7.2009 kl. 10:01]

Flottara væri þetta samt ef dósirnar byrjuðu strax í horninu en ekki tugum sentimetra neðar og ef grái liturinn á auglýsingunni væri sá hinn sami og á húsinu... en konseptið er gott.