Stofnun nýs fyrirtækis - Dagur 3

Seinnipartinn á miðvikudag fékk ég hugmynd að litlu fyrirtæki sem ég gæti startað meðfram almannatengslastofunni.

Þetta er svona vefsíða.

Segjum ekki meira í bili, nema að hún leysir ákveðið vandamál fyrir fólk og fyrirtæki og gæti mallað nokkurn veginn óstudd. Og vonandi skilað nokkrum krónum í kassann.

-----




Stefnan mín er að opna síðuna 5. desember (eftir 2 vikur).

Ég er bara að vasast í þessu meðfram vinnunni minn. En þetta gengur engu að síður nokkuð hratt.

Miðvikudagskvöldið:
Skrifaði fyrstu drög að viðskiptaáætlun, átti fund með vefforriturum um að taka verkið að sér, fékk jákvætt svar frá teiknara um að teikna fyrir mig logo-ið og ákvað að velja hugmynd nr.2 að léni.

Fimmtudagurinn:
Komst ekki jafn mikið í þetta. En kannaði með útlitshönnuð og fann þann sem ég vildi. Vann í viðskiptaáætluninni og fékk mikið af góðum hugmyndum. Fór á starfsmannafagnað hjá einu af samstarfsfyrirtækjunum mínum og sagði nokkrum kollegum mínum frá hugmyndinni. Var mjög gott. Fékk jákvætt fídbakk og nokkrar gagnlegar spurningar. Sem leiddi til þess að ég hringdi í vin sem er lögfræðingur og fékk hjá honum ráð varðandi nokkur atriði.

Föstudagur:
Í dag ætla ég að heyra í Impru og spyrja út í nokkur atriði. Ég ætla líka að kaupa lénið og fá hýsingaraðila. Já... þarf eiginlega að gera tékklista um hluti sem ég þarf að gera í dag og verður að gera á hefðbundnum skrifstofutíma. Síðan ætla ég að reyna að vinna í verklýsingu fyrir forritarana um helgina, meðfram mótmælastöðu, fundarsetu og félagslífi.

Athugasemdir

[Bára (IP-tala skráð) 22.11.2008 kl. 08:16]

Mikið er þetta hressandi að lesa í annars neikvæðu andrúmslofti samdráttar.

Þú er hreinlega frískur blær

 Gangi þér vel með þetta.

kveðja,

Bára

[Jón Ragnar Björnsson, 30.11.2008 kl. 17:53]

Gott hjá þér. Engin barlómur.

Hvernig miðar?