Íslensk verðlaunahátíð

Nú nýverið vakti mikla athygli myndskeið sem dreift var á netinu fyrir MTV tónlistarverðlaunin, þar sem að Britney Spears kom fram ásamt umdeilda kynninum Russel Brand og risavöxnum fíl.



Það er þykir sjálfsagt þar Vestra að stjörnurnar taki þátt í slíkum kynningarmyndböndum, til að vekja athygli á verðlaunaafhendingum eða öðrum stórum viðburðum.

Slíkt hefur þó ekki tíðkast hér heima á Fróni. Ekki fyrr en nú!

Undanfarna daga hefur verið dreift á netið litlum youtube myndböndum þar sem að helstu stjörnur íslenska tónlistariðnaðarins taka þátt í smá sprelli til að hita upp fyrir íslenska útgáfu MTV-hátíðarinnar. Verðlaunaafhendingu fyrir Monitor-nöglina. 

Verðlaunaafhendingunni fylgir mikill gleðskapur á fimmtudagskvöldið 11. september á Apótekinu þar sem boðsgestir úr bransanum munu sýna sig og sjá aðra.

En partýið ber upp á 1 árs afmæli þessa höfuðrits íslenskrar dægurmenningar.




-----

Tekið skal fram að ég vinn með Monitor og útgáfufélagi þess sem ráðgjafi í ýmsum málum.

Athugasemdir

[Baldvin Jónsson, 10.9.2008 kl. 02:26]

Ertu enn hérna inni?  Klukkan að verða hálf þrjú?

Ég var að læra, hvaða "góðu" afsökun hefur þú?

[Andrés Jónsson, 10.9.2008 kl. 12:54]

Nei Baddi minn. Klukkan hálf þrjú í nótt lá ég á mínu græna eyra.

Svona er nú tæknin. Tölvan er nettengd alla nóttina meðan ég sef.

 :)

[Baldvin Jónsson, 10.9.2008 kl. 20:33]

;)  Hélt kannski að ég hefði fundið þarna þráhyggju kenndan sálufélaga hehe

Er annars búinn að vera alveg á hvolfi þessa vikuna vegna stórs verkefnis sem að ég er að vinna að í International Communication í skólanum, þ.e. greining á Latabæ á mismunandi mörkuðum, eigum við ekki að negla okkur tíma fyrir kaffibolla eftir helgina?