Rauður: Litur sigurvegara?

Pennavinur minn, hann Guy Kawasaki, er að velta fyrir sér rannsóknum á áhrifamætti lita.

Sýnt hefur verið fram á það að rauðklæddir íþróttamenn nái meiri árangri.

Það er auk þess vel þekkt að forsetaframbjóðendur í Bandaríkjunum mæta yfirleitt í kappræður með rauð bindi.

Það er erfitt að setja þetta í samhengi við eitthvað hér heima. En það er gaman að velta fyrir sér svona hlutum.

Útlit og framsetning skiptir held ég mun meira máli í auglýsingum og öðru markaðsefni en margir gera sér grein fyrir.

Hér eru til gamans nokkur rauð lógó:

Athugasemdir

[Baldvin Jónsson, 31.8.2008 kl. 21:11]

Hvað meinarðu með að erfitt sé að setja þetta í samhengi hér heima??

Íslenska landsliðið í handbolta var að enda við að vinna til stærsta íþróttasigurs smáþjóðar í hópíþrótt í sögu Ólympíuleikana frá upphafi, og það í afar RAUÐUM landsliðsbúningum.

[Andrés Jónsson, 31.8.2008 kl. 21:48]

ahhh... the final piece in the puzzle!  (góðu punktur Baddi!)

[Indriði Sveinn Ingjaldsson (IP-tala skráð) 1.9.2008 kl. 00:07]

Athyglivert. En hvurnig stendur á því að stærsti stjórnmálaflokkur á Íslandi er BLÁR? Kannski hann væri ekki svona stór ef meðlimir hans kæmu fram eingöngu í bláum fötum?!?

[Baldvin Jónsson, 1.9.2008 kl. 15:50]

Blár er skilgreindur sem litur trausts að mig minnir í litafræðum, hér heima hefur einmitt almennt verið meiri fókus á blátt en rautt.

Þetta fer að sjálfsögðu líka eftir markaðssvæðum og um hvað er að ræða. Fólk t.d. metur varla stjórnmálahreyfingu á sama máta á keppnislið í íþróttum. Ef svo væri myndi það a.m.k. mögulega skýra öran vöxt Samfylkingarinnar.

Samfylkingin mun þó væntanlega minnka þó nokkuð fyrir næstu kosningar og í næstu kosningum þar sem að umhverfisfólkið sem kaus þau síðast vegna grænna áherslna (ekki rauðra) mun seint trúa þeim aftur.

Blár hins vegar hefur t.d. þótt sterkur litur að klæðast í viðskiptum því hann vekur traust hjá gagnaðilanum.