Snjallir markaðsmenn hjá fornfrægu fyrirtæki

Ein lífseigasta útgáfa landsins er Heimur, sem gefur út Frjálsa verslun, Iceland Review og fleiri blöð.

Fyrirtækið hefur gefið út tekjublað Frjálsrar verslunar í mörg ár og haft af því góðar tekjur í lausasölu og auglýsingum.

Fólk kaupir blaðið af forvitni og til að bera saman eigin tekjur við fólk í samskonar störfum.

Fyrir nokkrum árum tóku keppinautar Heims á fjölmiðlamarkaðnum þetta upp eftir þeim og fóru að fletta upp tekjum nafntogaðs fólks í álagningarskránni og birta.

Fyrst tímaritið Ísafold, því næst Mannlíf og DV og nú síðast bættist Vísir.is við.

---

En í ár hefur Heimur fundið leið til að bregðast við þessum breyttu aðstæðum á markaðnum.

Útgáfufyrirtækið forselur þessa dagana tekjublað Frjálsrar verslunar í gegnum vefborða á netinu og lofar fólki að það fái blaðið heimsent sama dag og það kemur út.

Það er ekki á hverjum degi sem maður sér fyrirtæki, sem eru orðin þetta gömul í hettunni og setið hafa ein að sínum markaði, bregðast við aukinni samkeppni og laga sig að breyttum markaðsaðstæðum á þennan hátt.

Virkilega flott hjá þeim.

AJ

Athugasemdir

[Andrés Jónsson, 21.7.2012 kl. 18:49]

Og já. Ég keypti sjálfur tekjublaðið þegar ég sá þennan borða á Já.is og það var mjög fljótgert að ganga frá því. Vel uppsett og einfalt.

Nú bíður maður bara eftir að sjá hvort maður fái blaðið sama dag og það kemur í verslanir, eins og búið er að lofa.

AJ