Gefðu alvöru hjarta á Valentínusardaginn

Norðmenn voru sniðugir í dag og notuðu þennan ameríska dag elskenda, Valentínusardaginn, til að vekja athygli á þörfinni fyrir líffæragjafa.

Það var herferð í gangi á Twitter og Facebook til að fá fólk til að fylla út svona líffæragjafakort, prenta það beint út af netinu og ganga með í veskinu.

Ágúst Ólafur Ágústsson, fyrrv. alþingismaður, var á sínum tíma með þingsályktunartillögu sem fékkst ekki afgreidd á Alþingi um að það ætti að vera valmöguleiki á íslenskum ökuskirteinum til að taka fram hvort maður sé tilbúinn að gefa líffæri sín til að bjarga eða bæta líf annarra.

Ég var og er sammála honum. 

Athugasemdir

[Halla Kolbeinsdottir (IP-tala skráð) 14.2.2011 kl. 23:21]

Ég er svo sammála. Hafa þetta sem hak í umsóknareyðublaði fyrir bílprófsskírteini og þá helst að haka í ef þú vilt EKKI gefa líffæri.